Informashon di Wikipedia.

• 
  Rastafari ta un religion abrahámiko ku a originá na Jamaica den añanan 1930. Eruditonan ta klasifik'é komo tantu komo un movementu religioso nobo komo un movementu sosial. E religion ta falta un outoridat sentralisá, i su siguidónan, komunmente referí komo rastafari òf rasta ta ekshibí un diversidat grandi di kreensia i práktika. Doktrina di rastafari ta ankrá den interpretashonnan di Beibel. Sentral den e fe ta un kreensia monoteista, konosí kom Jah, ku ta alóménos parsialmente, den kada individuo. Rastanan ta pone importansia spiritual signifikante riba Haile Selassie I, emperador di Etiopia for di 1930 pa 1974, kende ta wordu konsidera pa varios grup'i rastafari komo e di dos binida di Hesus, un enkarnashon di Jah. E movementu ta afroséntriko i ta enfatisá e historia i lucha di e diáspora afrikano, ku ta mirá komo oprimí pa sosiedat oksidental, òf Bábilón. Mayoria rasta ta pleitu pa repatriá di desendentenan afrikano pa Afrika, e tera priminti óf Zion. Rastafari ta un estilo di bida, tambe konosí komo livity, ku ta enserá sigui un diet natural ital, bisti dreadlocks, i atané na normanan di género patriarkal. E movementu a surgi bou di komunidatnan afro-hamaikino ekonómiko desbentahoso i a desaroyá komo rèspòns na e dominio kultural kolonial britániko na Jamaica. E tabata influensiá pa etiopianismo i e movementu Bek-pa-Afrika, espesialmente e ideanan di e lider nashonalista pretu, Marcus Garvey. E koronashon di Haile Selassie I na 1930 a wòrdu mira pa algun predikado kristian hamaikino, partikularmente Leonard Howell. Den añanan 1950, e aktitut divergente di rastafari pa ku e sosiedat hamaikino konvenshonal a kondusí na tenshon i konfrontashonnan violento okashonal ku outoridat. E promé rastanan hopi be tabata promové poder pretu komo un resistensia pa poder blanku. Esaki, sinembargo a bira ménos komun for di añanan 1970. Durante añanan 1960 i 1970, e movementu a haña aseptashon mas amplio denter di Jamaica i atenshon internashonal, pa gran parti pa medio di influensia musikal di reggae i artistanan manera Bob Marley. Ounke e morto di ambos Selassie i Marley den añanan 1980 a kondusí na un bahada den visibilidat, rastafari ta sigui eksistí globalmente. Rastafari ta keda un religion desentralisá, ku vários denominashon, konosí komo Mansion of Rastafari, kada un ta ofresé interpretashonnan distinto di su kreensia. Esnan mas prominente ta inkluí Nyahbinghi, Bobo Ashanti, i e Diesdos Tribu di Israel. E poblashon mundial di rastafari ta wòrdu kalkulá entre 700.000 i un mion. Miéntras ku Jamaica tin e komunidat di mas grandi, gruponan mas chikito ta presente den siudatnan grandi rònt mundu. Mayoria di rastanan ta di desendensia afrikano. Algun grupo ta permití solamente hende pretu, pero tambe tin rastanan di vários rasa i di desendensia no-pretu.