Informashon di Wikipedia.

• 
  Movementu Rastafari ta un religion abrahámiko ku a desaroyá na Jamaica den añanan 1930, despues di koronashon di Haile Selassie komo emperor di Etiopia. Praktikantenan ta adora Haile Selassie I, emperor di Etiopia (1930-1974), den mesun manera ku Hesus i Dios. Miembronan di e movementu Rastafari ta konosí komo Rasta, Rastafari òf simplemente Ras. Rastafari ta un manera di biba. Tambe ta rekonosé Rastafari na nan títulonan ofisial di misa, manera Elder i High Priest. Den sierto instante ta referí na e manera di biba komo "Rastafarianismo", pero e termino akí ta wòrdu mirá ofensivo pa mayoria miembro di e movementu Rastafari. Komo ku nan tin kritika riba "ismonan" (kua nan ta mira komo un parti típiko di e kultura di Babylon), nan no ta gusta pa keda yamá un "ismo" nan mes tambe. E nòmber Rastafari ta bin di Ras Tafari, e titulo (Ras) i e nòmber dilanti (Tafari Makonnen) di Haile Selassie I promé ku su koronashon. Den e idioma Amharic, Ras, literalmente kabes, ta un titulo di Etiopia ekivalente na un prens òf kabesante i e nòmber personal Täfäri (teferi) ta nifika esun ku ta reverensiá. Jah ta e nòmber Bibliko di Dios, un forma kòrtiku di Jahweh òf Jehovah ku por haña den Psalm 68:4 di Beibel (vershon di King James). Mayoria adoradó ta mira Haile Selassie I komo Jah òf Jah Rastafari, un enkarnashon di Dios Tata. Mayoria elemento di Rastafari ta reflekta e origen na Jamaica i Etiopia. Kristian na Etiopia a nase for di e Misa di Alexandria, fundá pa St Mark, i e kontinuashon di e Misa Koptiko di Alexandria ku a nase for di esei na siglo 5. Rastafari ta kontene varios elemento di Kristian, manera e eksistensia di un Dios, yamá Jah, ku a manda su yu divino enkarná Tera den forma di Hesus (Yeshua) i a manifestá su mes den e persona divino Haile Selassie I. Rastafari ta aksepta gran parti di Beibel, aunke nan ta sali for di punto di bista ku e mensahe i interpretashon a wòrdu alterá. E manera di biba ku nos konose komo Rastafari, englobalisa e uzo spiritual di cannabis i ta rechasa e sosiedat di materialismo, opreshon i plasernan sensual, yamá Babylon. E ta proklama Zion, referiendo na Etiopia, komo e luga di nasementu di humanidad i for di kuminsamentu di e manera di biba ta hasi un yamada pa repatriá pa Zion, e Tera Primintí i Shelu riba Tera. Esaki por keda tumá literalmente komo emigra pa Etiopia, pero tambe ta referí na repatriá mentalmente i emoshonalmente promé ku repatriá. Algun Rastafari tambe ta adopta i aksepta varios aspirashon Pan-Afrikano i politiko. Algun Rastafari ta nenga di ta parti di sekta klase i asina ta enkurasha otro pa buska fé i insipirashon di paden, aunke ku algun ta identifiká nan mes fuerte ku e "Manshonnan di Rastafari - e tres nan mas prominente ku ta Nyahbingi, Bobo Ashanti i e Diesdos Tribunan di Israel. Na 1997 a kalkulá ku tin alrededor di 1 mion Rastafari mundialmente. Den un senso hamaikino ku a tuma lugá na 2011, 29.026 individuo a identifiká nan mes komo Rastafari. Otro fuente a kalkulá ku na 2000, nan tabata forma un 5% di henter poblashon di Jamaica òf ta supone ku tin alrededor di 100.000 Rastafari na Jamaica.