Informashon di Wikipedia.

• 
  Protestantismo ta un di e kuater divishon prinsipal den Kristianismo. E ta un movementu religioso ku a kuminsa na parti nort di Oropa den e siglo 16 komo un reakshon kontra sierto doktrina i práktikanan di e Iglesia Katóliko Romano. E movementu a tuma forma durante e periodo konosí komo e Reformashon Protestant, ku tabata inspirá pa figuranan manera Martin Luther, John Calvin i Huldrych Zwingli. Nan a kritika aspektonan manera e outoridat absoluto di e papa, i sierto tradishonnan ku, segun nan, no tabata basá riba e beibel. Esaki a resulta den un separashon permanente den Kristianismo, ku a krea hopi denominashon protestant diferente. E doktrinanan di e diferente denominashon i grupo no-denominashonal protestant por varia, pero tur ta keda, na un grado grandi, uni na sierto prinsipionan fundamental: hustifikashon úniko pa grasia dor di fé, no pa obra (Sola Fide), e pastoridat di tur kreyente, i e beibel komo e únika i supremo outoridat den materia di fé i práktika (Sola Scriptura, latin pa “solamente por medio di Skriptura”).