Informashon di Wikipedia.

• 
  Organismo of un ser bibo ta un entidad material cu ta sobrevivi y sostene su mes a base di procesonan biologico, manera metabolismo. Ehempelnan di organismo ta animal, mata, beskem, of bacteria. Organismonan ta consisti di un of mas cel. Bacteria ta unicelular, mientras cu mayoria di mata y animal ta multicelular. Tur cel bibo ta contene material genetico cu ta determina con un organismo ta desaroya y funciona. Organismonan ta wordo clasifica den gruponan taxonomico, manera especie y genero, basa riba similaridadnan genetico of fisico. Den e ciencianan natural, e termino organismo ta referi principalmente na funcionamento di bida. Un organismo ta wordo considera como un sistema di reaccionnan kimico y procesonan fisico. Biologonan ta studia cosnan bibo na varios nivel, incluyendo nan structura (morfologia), funcion (fisiologia), desaroyo, evolucion, y interaccion cu nan medio ambiente (ecologia). Mas o menos 1.7 miyon especie di organismo a wordo describi, pero cientificonan ta sospecha cu tin miyones di especie desconoci. Den evolucion, organismonan a desaroya y diversifica. Mas cu 99% di tur especie, cu a yega di ta na bida, awor ta extinto. Cientificonan ta uza varios organismo-model pa investiga principionan biologico fundamental.