Mata ta organismonan bibo cu ta pertenece na e reino di Plantae. Mayoria mata ta uza luz solar pa produci nan mesun alimentacion, un proceso cu yama fotosintesis. Esaki ta sucede den partinan di e cel vegetal nombra cloroplast, cu ta contene un pigment berde yama clorofil. E cloroplastnan aki ta origina for di un cooperacion antiguo cu cyanobacteria (alga blauw). Mata ta usa carbon dioxido (CO2) i awa pa produci sucu pa energia. Algun mata, sinembargo, no ta tuma parti den e proceso di fotosintesis. Esakinan ta mata parasita cu ta obtene nan alimentacion for di otro matanan of fungi (beskem of paddenstoel), i no ta posee mas e gennan necesario pa fotosintesis. Historicamente, manera den e obranan di Aristoteles e reino di mata tabata inclui tur ser bibo cu no tabata bestia, manera alga i fungi. Awendia, cientificonan ta usa un definishon mas smal. Fungi i alga no ta wordo considera mas como mata. Den biologia moderno ta referi na mata en general como e grupo Viridiplantae, of matanan berde. E grupo aki ta inclui alga berde i matanan di tera, manera mos (Bryophyta), dorna boket Polypodiopsida of Polypodiophyta), i mata di flor. Algun cientifico ta uza un definishon mas amplio basa riba dato genetico. E grupo aki, Archeaplastida, ta inclui tambe alga cora y Glaucophyta. Tin mas o menos 380.000 especie conoci di mata, rond di 260.000 di nan ta produci simia. Matanan ta varia masha den tamaño, for di esnan chikito cu celnan singular pa e pal'i matanan mas halto. Mayoria di mata ta consisti di hopi cel, pero algun tipo di alga berde ta di un solo cel. Mata berde ta produci gran parti di e zuurstof na Tera y ta e base pa mayoria ecosistema. Nan ta produci sucu cu ta provee energia pa otro organismonan. Hopi bestia ta come mata directamente of ta come un otro bestia cu ta alimenta riba mata. Hende a bin ta cultiva grano, fruta y berdura pa miles di aña. Mata tambe ta wordo uza pa construccion, decoracion, skirbimento i medicina. E estudio cientifico di mata ta wordo yama botanica, un ramo di biologia.

Mata ta organismonan bibo cu ta pertenece na e reino di Plantae. Mayoria mata ta uza luz solar pa produci nan mesun alimentacion, un proceso cu yama fotosintesis. Esaki ta sucede den partinan di e cel vegetal nombra cloroplast, cu ta contene un pigment berde yama clorofil. E cloroplastnan aki ta origina for di un cooperacion antiguo cu cyanobacteria (alga blauw). Mata ta usa carbon dioxido (CO2) i awa pa produci sucu pa energia. Algun mata, sinembargo, no ta tuma parti den e proceso di fotosintesis. Esakinan ta mata parasita cu ta obtene nan alimentacion for di otro matanan of fungi (beskem of paddenstoel), i no ta posee mas e gennan necesario pa fotosintesis. Historicamente, manera den e obranan di Aristoteles e reino di mata tabata inclui tur ser bibo cu no tabata bestia, manera alga i fungi. Awendia, cientificonan ta usa un definishon mas smal. Fungi i alga no ta wordo considera mas como mata. Den biologia moderno ta referi na mata en general como e grupo Viridiplantae, of matanan berde. E grupo aki ta inclui alga berde i matanan di tera, manera mos (Bryophyta), dorna boket Polypodiopsida of Polypodiophyta), i mata di flor. Algun cientifico ta uza un definishon mas amplio basa riba dato genetico. E grupo aki, Archeaplastida, ta inclui tambe alga cora y Glaucophyta. Tin mas o menos 380.000 especie conoci di mata, rond di 260.000 di nan ta produci simia. Matanan ta varia masha den tamaño, for di esnan chikito cu celnan singular pa e pal'i matanan mas halto. Mayoria di mata ta consisti di hopi cel, pero algun tipo di alga berde ta di un solo cel. Mata berde ta produci gran parti di e zuurstof na Tera y ta e base pa mayoria ecosistema. Nan ta produci sucu cu ta provee energia pa otro organismonan. Hopi bestia ta come mata directamente of ta come un otro bestia cu ta alimenta riba mata. Hende a bin ta cultiva grano, fruta y berdura pa miles di aña. Mata tambe ta wordo uza pa construccion, decoracion, skirbimento i medicina. E estudio cientifico di mata ta wordo yama botanica, un ramo di biologia.