Informashon di Wikipedia.

• 
  Maskarada ta un selebrashon tradishonal boneriano di Aña Nobo, ku ta tuma lugá riba kaya. E ta un di e eventonan folklóriko mas bieu di Boneiru i ta kontené elementonan di orígen indjan i afrikano. Den estilo di un festival ta selebrá maskarada diferente bia: riba 1 di yanüari, i despues por lo ménos riba e promé djadumingu di un aña nobo i riba e djadumingu di e fiesta di e Tres Rei. Ademas di Boneiru, e tradishon aki ta eksistí solamente na algun otro isla karibense i Venezuela. Maskarada ta kuminsá e aña nobo manera ta kustumbrá den e sede di gobièrnu na ofisina di gezaghebber. Den oranan di mainta personanan bistí kolorido ku nan kara tras di un maskará i imposibel di rekonosé ta yega na e ofisina di gobièrnu. Nan ta grita "felis aña nobo", pero no por papia mas. Algun ta bistí manera piská, buriku òf toro. E grupo maskará ta selebrá maskarada ku músika, kantika, baile i teatro. E "sinfonia di man" ta e instrumento mas importante. Esaki ta un harmonika ku ta wòrdu toka ku man. E tokadó di e instrumento aki ta esun ku ta dirigí e grupo di maskarada. Antes tabatin un marcha mainta pa hende hòmber y atardi tabatin un marcha pa hende muhé. No mester bruha maskarada ku karnaval.