likùr - Banko di Palabra

likùr (sustantivo)

Curaçao Likeur ta un bibida stèrki, tipo likùr, mundialmente masha konosí ku ta traha di laraha. Nòmber latin di e laraha ta Citrus Aurantium Currassuviensis, loke ta nifika 'apelsina di oro di Curaçao'. Ta usa e likùr akí prinsipalmente pa traha kòktel (coctail) i martini. Kòktel trahá ku Blue Curaçao ta popular pa su kolor. Apesar di e nòmber i e echo ku laraha ta krese na Kòrsou, ta produsí i bebe Curaçao Liqueur mas tantu pafó di Kòrsou (prinsipalmente na Hulanda) ku na Kòrsou mes. E likùrnan trahá na otro pais sinembargo no ta traha (mas) ku laraha pero mas bien ku apelsina. Na Kòrsou e kompania Senior & Co ta traha e likùr outéntiko i ta bende e bibida bou di e nòmber "Curacao of Curacao". E likùr akí ta popular serka turista ku ta bishitá e isla di Kòrsou. E fábrika di Senior & Co ta na Lanthùis Chobolobo.

Fuente: Wikipedia na Papiamentu

Pa mira e palabra aki usá den konteksto den e biblioteka digital (por ehèmpel den buki i artíkulo), klek riba e siguiente konekshon: likùr