Informashon di Wikipedia.

• 
  Koral ta un nòmber kolektivo pa animalnan marino di e klase Anthozoa (animalnan floriá). Nan ta bestianan chikitu, midiendo solamente un par di milimeter, ku ta parse un tiki manera un anemona di laman debí na nan krans di tentakulo. E bestianan chikitu aki, tambe yamá polip, típikamente ta biba den kolonia. E kolonianan aki por kontené desde algun te miones di polip, dependiendo di e tipo di koral. Sierto espesie di koral ta konosí komo konstruktor importante di ref. Nan ta biba den oséanonan tropikal i ta saka kalsio karbonato (CaCO₃) pa forma un skelèt duru ku, ku tempu, ta forma strukturanan grandi riba fondo di laman. E refnan aki ta haña un rol vital den ekosistema marino i ta fungi komo habitat pa mas ku mitar di tur espesie marino. Refnan di koral ta konosí komo e “selva tropikal di laman” pa motibu di nan biodiversidat. Nan ta protehá kosta kontra eroshon i daño di mal tempu, mientras nan ta sostené tambe peska lokal i turismo, i ta produsí zürstòf den sistema marino. Alabes, hopi sustansia ku por yuda den desaroyo di medisina ta bin di organismonan ku ta biba den ref di koral.