Informashon di Wikipedia.

• 
  Candela ta un fenomeno den cua luz y calor ta wordo libera door di un reaccion di oxidacion di un substancia combustibel na temperaturanan halto. Durante e proceso aki, gasnan inflamabel ta wordo libera debi na e kentamento y descomposicion di materialnan den cercania. E gasnan aki despues ta oxida, generando calor di nobo cu ta sostene e proceso. E desaroyo di calor ta causa conveccion: un fluho di aire cu ta move bai ariba causa pa e gasnan cayenta cu ta expande y bira menos denso, manera describi den e ley di Archimedes. E luz di candela ta wordo causa principalmente pa particulanan di chemene cu ta bria cayente, y ta produci e spectrum di vlam caracteristico. Partinan maron den candela ta wordo causa pa particulanan di chemene cu no ta bria mas y ta absorba un tiki di e luz di vlam. Ora candela plama incontrolabel, e ta wordo yama un kimamento. Un vlam ta e unidad di candela di mas chikito. E kimamento di combustibelnan fossiel ta saca carbon dioxida (CO2), cu ta contribui significante na e efecto di broeikas.