Informashon di Wikipedia.

• 
  Islam (árabe: الإسلام al-’islām,) ta e religion monoteístiko artikula dor di e Qur’an, un teksto religioso konsidera dor di su atherentenan pa ta e palabra di Dios, anto dor di e siñamentu i ehèmpelnan normativo di Muhammad, e profeta di Allah. E palabra árabe 'Islam' ta kuminsá ku ; salaam (سلام) ku kemen 'Pas'. I e palabra 'Islam' kemen submishon na Dios. Un atherente di Islam ta wòrdu yamá un musulmán òf mòslem. Mòslem ta kere ku Dios (Allah) ta unu i inkomparabel anto ku e nifikashon di bida ta pa alabá Dios. Nan ta mira nan religion komo e version kompletá di un fe primordial monoteístiko revelá na varios luga i tempu promé, inkluyendo e profetanan di Abraham, Moses i Hesus. Praktikanan religioso ta inklui e sinku pilar di Islam, ku ta e sinku akto obligatorio di alabansa. E lei islámiko (árabe: شريعة Šarīʿah) ta toka riba virtualmente tur aspekto di bida i sosiedat, enkompasando tur kos di bankonan te ku guera pa bienestar i e medio ambiente. E mayoria di mòslem ta hòr na un di e dos denominashon, e Sunni of Shi'a. Mas o menos 13% di tur mòslem ta biba na Indonesia, e pais musulman di mas grandi na mundu. 20% ta biba den Medio Oriente 2% na Asia Sentral, 4% den e paisnan otro di asia, anto 15% na Afrika sub-saháriko. Komunidatnan basta grandi tambe ta biba na China anto Rusia, anto partinan di Karibe. Komunidat di konvertidonan i imigrantenan tambe ta wòrdu haña na kasi tur parti di mundu. Ku mas ku 15.7 bion mòslen formando mas ku 23% di poblashon di mundu, Islam ta e religion di dos mas grandi na mundu i segun sierto fuentenan e religion mas lihe kresiendo na mundu.