Informashon di Wikipedia.

• 
  Gòlf ta un deporte ku den kua hungadónan ta kompetí usando varios klup pa dal bala i purba hinka esaki den un seri di buraku den un kancha di gòlf ku menos tiru posibel. Den reglanan di gòlf, e deporte ta keda definí komo "hunga ku un bala i un club di komienso te den buraku pa medio di un òf varios tiru posibel segun regla". E ta un di tiki deportenan hungá ku bala ku no ta rekeri un area di wega standardisá. Enbes di esaki, e deporte ta keda praktiká riba un kancha di gòlf ku generalmente ta areglá di moda ku ta progresa di un buraku pa otro. Un wega normalmente ta konsisti di sea nuebe òf 18 buraku. Kada buraku riba e kancha mester kontene un tee box pa kuminsa riba dje i un putting green ku ta kontene e buraku. Tin diferente otro tipo di tereno standardisá meimei di esakinan, manera yerba ròf i obstakulo, pero ku kada buraku riba e kancha, i virtualmente tur kancha, ta úniko den areglo i diseño. Generalmente torneonan di gòlf ta keda hungá pa e konteo mas abou di un individual, simplemente konosí komo e stroke play òf e skor di mas abou riba kada buraku individual pa kada hungadó individual òf ku ta forma parti di un ekipo. E delaster aki ta konosí komo e match play. Stroke play ta e jugada mas komun mirá riba virtualmente tur nivel di wega, aunke variashon tambe por keda mirá riba transimitishonnan. Otro forma di skor tambe ta eksisti.