Informashon di Wikipedia.

• 
  Fasismo (ortografia di Aruba / italiano: fascismo) ta un forma ekstremo di nashonalismo outoritario i ta antidemokrátiko, antikomunista, antiliberal i antiparlamentario. Fasismo ta ser mirá komo di ekstremidat drechi den e spektro polítiko di man robes pa man drechi. Mussolini a inventá fasismo na Italia na fin di añanan 1910, i a desaroy’é kompletamente den añanan 1930. El a yega na poder na fin di 1922 i a introdusí un diktadura kompleto na mitar di añanan 1920, dor di eliminá tur otro partido i kambia e lei elektoral pa sigurá ku su partido Fasista a haña e mayoria di asiento.[8] Ora Hitler a yega na poder na Alemania den añanan 1930, el a kopia Mussolini.[3] Mussolini a skirbi un artíkulo polítiko na ingles, ku ta wòrdu yamá E Doktrina di Fasismo. El a kuminsá skirbié na 1927, pero el a wòrdu publiká te na 1932. Mayoria di dje probablemente a wòrdu skirbí pa Giovanni Gentile, un filósofo italiano ku a djòin fasismo i a bira un influensia importante. Kuater pais fasista grandi tabata Italia bou di Benito Mussolini, Alemania Nazi bou di Adolf Hitler, Imperio di Hapon bou di Hideki Tojo, i Spaña bou di Francisco Franco.[3]