Informashon di Wikipedia.

• Bamba ta un instrumentu musikal traha di dos pida palu di bambu, yamá "kaña brabu". E ta wòrdu usá na Kòrsou i awendia prinsipalmente na Boneiru, unda stamnan di bambú ta wòrdu hañá laba riba kosta nort di e islanan. Dos pida di largura desigual - 60 i 70 cm - ta wòrdu kòrtá for di e stamnan aki, ku un diameter di aproksimadamente 7 pa 8 cm. Ku eksepshon di e partishon di abou, tur otro partishon di kada pida ta wòrdu perforá. E parti abou di e bamba ta wòrdu kòrtá 10 cm bou di e septum sin perforashon. E larguranan ta wòrdu pues kòrtá di tal manera ku, basá riba e pida mas largu komo e tóniko, e pida mas chikitu ta aproksimá e di kuater tono mas tantu posibel. E bamba ta wòrdu toká dor di bati rítmikamente riba un superfisie duru. Huntu ku otro instrumentonan, inkluyendo e kuarta i e kitara, e bamba ta wòrdu usá pa kompañá kansionnan durante e selebrashonnan di San Juan i San Pedro na Boneiru. Den e akompañamentu aki e bamba tin e funshon di kontrabas. E instrumento aki, konosí den organologia komo tubonan di stèmpel, tin un distribushon mundial: Afrika, Sentro i Sur Amérika, Asia, Laman Sùit. Debí na su struktura simpel, e ta wòrdu konsiderá un di e instrumentonan rítmiko di mas bieu.