Informashon di Wikipedia.

• 
  Eskosia (ingles i eskoses: Scotland, Eskoses-Galiko: Alba) ta un pais den Oropa. E ta un parti di Reino Uni. Okupando un tersera parti di e isla di Gran Bretania, e tin frontera ku Inglatera na parti suit i ta mará pa e Laman Nort na parti ost, e Oceano Atlantiko na parti west, anto e Kanal Nort i e Laman Iriko na parti suitwest. Ademas di e tera fiho Eskosia tin mas ku 790 isla, inkluyendo e islanan nort i esunnan Hebride; ku tin un grandura ku ta varia entre riba di 200.000 ha (Lewis i Harris) te ku un mas tiki ku 1 ha (Eilean Donan). Edinburgh ta e kapital di e pais i di dos siudat mas grandi, ademas di ta un di Oropa su sentronan finansiero mas grandi. Edinburgh tabata e siudat di mas importante pa e Iluminashon di Eskosia durante e siglo 18, ku a transforma Eskosia den un luga di poder komersial, intelectual, i industrial di Oropa. Glasgow, e siudat eskoses di mas grandi tabata eskosia su siudadnan mas industrial anto aworaki ta keda den e area con-urbano mas grandi. Awanan teritorial di Eskosia ta konsisti di un sektor grandi di e Atlantiko parti nort i e laman nort, konteniendo un di e reservanan di zeta krudo mas grandi den Union Oropeo. Esaki a duna Aberdeen, e di tres siudat eskoses den grandura, e titulo di Oropa su kapital di zeta.